|
|
其實近況並不太好….
我已經開始搵緊工, 一見到有公司請人, 我都會send cv去, 期望…只要有萬二蚊一個月, 我都好願意辭去而家份工… 雖然而家份工收入穩定, 但係我做得真係超唔開心。 近日公司出左memo, 話提議由現時一年合約, 轉為兩年合約制… 不過對於我呢種去意已決ge人黎講, 呢d完全不能挽留到我個心… 在我遞辭職信之前, 希望有其它公司願意in我…
回顧8月份投資…. 買賣811新華文軒, 賺左700幾蚊… 以及依次買入工商銀行(1398.hk)、瑞安房地產(272.hk)、奧普集團控股(477.hk), 投資金額比例約為6:3:1 升貶值分別為:+1.25%、-0.68%、+2.64%(已扣手續費) 買入原因如下: 工行—之前玩厭左建行, 所以現在玩下工行而已, 現時建行同工行投資金額比例係1:1, 中資銀行股增長仍然強勁, 加上小弟想供股, 所以買多d貨, 準備供股。現有後備資金, 佔投資組合市值3.5%, 足夠供股有餘。食下波幅都好正!
瑞安—好簡單, 利潤率非常高, 除左本人持有SOHO中國(410.hk)外, 瑞安係我組合中兩隻內房股重磅之一。我鍾意佢派息姑寒, 中期派息較去年同期升左5倍且與07及08年中期息相約, 但係派息比率只係中期盈利20%左右, 股價對淨資產仍有折讓, 股息率3.7%, 實屬長線投資好選擇。缺點係短期受中央調控制肘以及內地通脹升溫, 利率己見低, 來年加息空間都好大。屬中度風險。
奧普—股東回報率及利潤率均有所提高, 中期盈利亦超越了07及08年同期數據, 派息極度慷慨兼送紅股, 流動比率高, 股息率為8.3%, 其產品的可替代性高, 屬中度風險。
投資涉及風險, 以上純屬個人立場, 請各位自行分析先決定投資路向。
1. 前日, 就有關M17而出證明期間, 因為拖了一個星期才出, 而比人話… 我無野好講, 人手就係咁多, 做唔到就係做唔到, 你屈我食死貓, 我食。 2. 前日, 就有關失蹤檔案事宜, 因為我無去搵, 要其它上級去搵, 而比人話… 我無野好講, 首次發現失蹤檔案ge人係我, 亦係我第一個自己去搵, 自己搵晒成個寫字樓都無, 但係我搵ge時候, 上級你又知唔知? 在新軍職黎之前其它同事又無幫過我手。新軍職黎到, 唔係我要你地上級搵, 我覺得係你地想搵我去揹黑鑊。自己一個人去承受個申請人日日黎煩我, 又要面對你地呢d上級, 你估我好好受呀? 不過, 就算我解釋之前我有搵過ge事都係多餘, 因為你地眼中, 我係異類。呢個死貓, 我食。 3. 今日, 就有關M17出證明後沒有打電話通知當事人黎收取, 而比人話… 一直以黎, 教我ge師兄都講過, 從來唔需要通知, 亦從來無人講過一定要通知。但上級你話”唔係今年講過, 上年我’一定有’落過order要通知人黎攞。” 你呢句”一定有”真係精闢啦…我無野好講。姦淫擄掠ge申請人,M17返黎出證明都要通知的話, 我寫個服字比你。上左居留紙落番黎, 要我地在幾十份入面搵番出黎通知人, 你係唔係有問題? 索性為呢d M17及聲明書類別個案設定一個服務承諾好過….呢d無服務承諾ge個案, 點解要咁緊張? 4. 今日, 上級你話”我唔保得你幾多次, 再有下次我隨時上去madam度講, 我發火隨時收唔到…” 我收到。等我11月放完大假之後, [...]
經過呢兩個星期的過渡期, 我終於可以正式將”組長”名交到華哥手上….做野起黎都特別快!!!
前日我放左d建行同太保, 進賬4500蚊….都唔錯! 而家工行同建行對a股溢價超過20%, 太貴了… 近日眼見1126又升左唔少….真係走寶!!!
上個月買入531及及今個月頭買入477, 分別買左萬蚊同五千, 小注宜情…. 現在cash balance非常充裕….等候其它平貨…^3^
上星期五, 由於”車車”中午直落, 加到五點九早收, 所以只係得番我一個人加班到6點9… 期間, 接到一個電話….
之前我部門接收左一個statement申請, 有人急需去香港就醫, 然而很不幸地, 申請人最終不治… 當時我接到呢個電話, 心裏真的難受, 我們能幫到的, 結果是徒勞嗎?
我個部門常常接受一d曾經有犯罪前科的人申請定居, 然而因對中國籍人士審批過於寬鬆, 皆可能對澳門做到大大小小的影響! (例如, 搶劫、強姦、犯毒、禁錮等等犯罪前科人士), 雖然呢d人士已經得到了法律制裁, 我亦不應戴上有色眼鏡! 幫到人定居團聚是好, 但是撫心自問真正團聚的有多少? 自己的權力只是執行…可以做到就是這點兒!
部門追求的是服務承諾, 是數據, 是優化。這是甚麼? 想不到這第二份全職工作那麼快就給了我一個瓶頸….
今晚又OT…
今晚哥哥大概5點55分離開, 離開前仲潤一潤我地….比佢激到爆
哥哥:“明, 今日還剩幾多未做呀?” 我:“er….都仲有三十幾份, 加埋呢度成疊厚ge processo未睇” 哥哥:“加班睇厚ge processo應該好好多, 環境清靜d, 做野都爽手d!” (時間停頓了一刻….) 我:“er….靜好多, 起碼無人打電話黎騷擾!”
=O=….
其實不用做出來, 我都知道大家諗緊咩… 我就算話唔係我做, 都只係”此地無銀”。
如果連這少許的信任都不曾存在, 我亦只好接受現實。 雖然我常感到被人隔絕, 但是這煉獄可以把我改變幾多? 生存幾耐?
如果你係我, 你有幾清楚我內心有幾痛?
我只係普通人, 掛名組長而已, 請不要甚麼事都找我, 我有窒息而死的感覺….
日日你地乜叉都搵我, 我唔係萬能的…
我只係打份工, 希望有錢供樓就算…你地再係咁迫我, 我會跳樓的!
我ｏ係公司經常會遇到一ｄ需要申請人填聲明書ｇｅ情況．．．以下係我ｏ係呢近一年裏ｇｅ心聲：
當自己睇完成份檔案之後，知道邊ｄ地方係要申請人提供佐證及解釋有關身份資料差異，自己ｍａｒｋ底ｄ ｐｏｉｎｔ，等申請人黎到ｇｅ時候就逐樣執藥叫對方好好咁寫．．．然而ｍａｒｋ底左ｄ ｐｏｉｎｔ就岩交比接待同事做ｇｅ時候，會出現一個問題，就係接待同事唔清楚成份檔案ｇｅ情況，正如剛才所講，佢地會照單執藥．．．．但係有冇諗過，如果接待同事ｏｋ左份聲明書之後，上級唔多ｌｉｋｅ的時候會插邊個？插接待同事，咁接待同事只會抱怨：“乜都交晒比我地做，我們淨係收文件都做到死死下，更何況呢ｄ ｃａｓｅ我地都唔熟．．．．＾（＆＃＄！＠”
最後，同事之間可能會存在芥蒂，但我相信，只會對我存在芥蒂，因為我係組長，我ｐａｔ底晒ｄ功夫比接待同事做，所以一直以來，我都係自己去親力親為，唔想同事之間有甚麼不愉快．．．．然而由於最近工作量激增，最終還是交給接待同事跟進，結果．．．．大家都清楚ｌａ．．．．上級比意見我，叫我寫清楚ｄ交代好個ｃａｓｅ ｇｅ情況比接待同事．．．．
ｍａｒｋ底寫清楚個ｃａｓｅ情況叫接待同事點做，真係可以改善到聲明書ｇｅ質素！？無可否認ｇｅ係，可以令到個個接待同事繼續照單執藥，行政小組組員不在時仍可寫聲明書．．．但真正可以改善到聲明書中內容ｇｅ表達含義是否精要！？我就唔敢寫包單．．．況且，ｍａｒｋ底個ｃａｓｅ就好似講故事，又長又沈，究竟同事們可以ｇｅｔ到幾多？
另一個上級叫我唔好叫申請人中午去寫聲明。老細，中午已經係唔算多申請ｇｅ時候，唔通叫申請人ｏ係繁忙時間黎托咩！ 中午直落有兩人，起碼我只需向呢兩位同事講點做就得，唔洗向全部接待同事講點做丫！
ｍａｒｋ ｏ係張紙度，如果張紙個個都唔簽名，到頭來，咪個個同事都話我經過手ｇａｌａ．．．因為我係組長．．．．
你估我好想做組長呀？仆街
有時候ｄ字跡明明唔係我寫ｇｅ，就係因為無人簽名，咪又係我自己啃．．．所以以前我有簽名ｇｅ，而家我一律都唔簽．．．
自己跟聲明書，又比自己ｄ組員話．．．拖慢晒ｄ進度。好啦！而家我唔去接待小組跟聲明書，而家ｄ上級就搵著我黎搞！就係做組長ｇｅ錯啦！鬼叫我係組長呀．．．．
做人真係好難! 上面不斷有壓力及無棱兩可的決定, 周圍又不斷有怨氣, 有時候真係找不到自己真正的角色…夾在中間真是很難受! 在資源有限, 設備落後, 工作量激增, 問題個案累積了許多, 自己又想體諒別人, 但自己又應付唔到其它…. 樓上樓下同事忙到水都飲唔到一滴, 其實自己都好明白…以為自己可以幫到兩邊, 但係卻拖慢了另一方ge進度… 好想顧及身邊同事ge感受, 無奈自己又做唔到… 現在自己感到非常氣餒…
今日自己一個留o係公司…..做野特別快, 可能我真係唔慣有太多人合作的環境下工作! 可能我真係有需要檢討好唔好盡快結束呢份工…
近日公司工作量急增幾倍, 已經超出可消化的程度。 之後ge工作效率及表現只會急轉直下。
希望各同事努力!!
|
個人資料
Name: yes_ming
Sex: Male
Birthday: 1984-11-9
|
My Avatar |
|
Recent Comments