OTL « Never Sky – 永不．忘記

老闆娘金句

今日去左某間舖, 有一名職員, 一位老闆娘。我問:「唔該! 請問呢隻Mouse幾錢呀?」職員:「你眼望我眼, 無言ing…」老闆娘:「呢隻好多貴wo!」我心諗:「屌!我問緊你幾錢呀, 你答乜7好貴呀?」老闆娘:「轉身, 禁電話ing…」

2010/3/12：今日去銀行提款交保費，才發現銀行存摺結餘只剩下MOP4,437.20 2010/3/15：出糧日：1xxxx 2010/3/22：信用咭咭數最後付款結餘為MOP2454.50 2010/3/xx：招行供股，預計供款額為HKD2,545.18+手續費xx 2010/3/31：此日自動過數繳付房屋貸款，金額為6,719.19（通常我都會存入10000蚊） 2010/4/3：此日需繳付保費，金額為MOP4,657 計及開支及醫藥費，預計四月頭，銀行結餘為negative balance….囧

希望有好心人集資給我，好讓我渡過難關！！！T__T

攞你命2010

近日同我個保險經紀傾, 叫佢幫我改通訊地址, 佢一知道我供緊樓, 又sell我買保險了… 今次係sell我買全儲蓄12年, 紅利戶口可以有6%年息… 每月大約供910蚊, 第12年供完之後, 再等到第20年, 現金總值將會Double或以上….

身為Finance人士, 我當然又計多一大輪數la… 雖然呢個plan可以保本, 夠穩陣, 但係….對於現在的我, 簡直係渣乾渣淨了….

首先, 我有兩份保單在身, 一份全人壽年供13,240 (20年), 一份危疾年供4,657 (10年), 現在每月大約供樓7,000, 每月日常開支最少為2,000, 假設我而家買埋呢個全蓄plan年繳10,920, 全年開支為136,817

假設全年收入=260x59x0.91×14+1000×12=207,431.6, 則, 全年淨收入為70,614, 即每月5,884。 (以上貨幣單位為MOP)

但係, 大家唔好忘記, 我仲未計家用同埋開支係浮動ge…so…而家每個月我想搵個銀仔刮痧都無ar!!!! 所以呢個全蓄計劃都係擱置算….

就快交行車稅, 架車間唔中要拎去維修, 加上要買新鏡同頭盔…條數我真係唔想睇….求神拜佛希望部電腦唔好壞, 否則, 我無錢買電腦 (部腦用左4年了)….囧rz

細屋搬大屋, 餐餐食白粥...

上星期六正式新屋入伙, 基本上已經全部裝修好了, 只剩下一大堆衣服同雜物仲未搬過去新屋。由於電話線安裝要等到29號先裝到, 因此黎緊幾日我依然會o係舊屋上網同大家傾心事! 趁今日冬至放假, 去晒所有銀行改左d通訊地址, 然後發現, 我的銀行存摺totally只係淨番1萬蚊…諗起聖誕同月尾供款, 我個頭就已經非常之痛la…如無必要, 小弟都係少出街蒲, 多d飲粥水算罷… 黎緊星期三, 要爭取時間去身份證明局改埋個地址…數一數應該大部份都改晒地址…唔知財政局哥度洗唔洗改? 每月要比成千蚊利息…個心仲係乸住乸住…

頭痛到爆！

最近，一直為層樓而煩惱，雖然老豆大左一部份首期，但係我仍要問銀行借１５０萬。２５年之後，連本帶利起碼要２４０萬埋單。這個對於我呢ｄ小市民真係天文數字！

近日因為一ｄ稅務ｇｅ問題，我又去左兩次財政局，又去左銀行幾次辦理手續，中午飯都無食就返工了。當然父母也辛苦了很多，但我最擔心的是，唔知我家姐會點諗？家姐會唔會因為爸爸的偏心而有少少．．．．．我都唔知點講好．．．．

而事實上，在澳門買樓的確好貴，叫左老豆阿媽唔好咁心急買，在我的反對聲下，還是落了訂金，已經無很返轉頭．．．

呢次買樓事件，真係有好多野都唔識，好似物業登記、印花稅、貸款等等，好多都係我未經歷過ｇｅ事！加上個仆街地產做事無頭無尾，更加令到我好頭痛！！我第一次買樓，乜都唔識，個死人地產無同我搞四厘補貼申請，又無同我搞豁免物業轉移印花稅等等，結果要我同老豆東奔西跑！正仆街！個地產之前ｓｅｌｌ其它單位哥時，又話有四厘補貼，又話首次置業免印花稅，結果最後臨簽契前半個月先至知佢地班仆街乜都無幫我搞，仲賴我地落訂哥時無同佢地講，你話火唔火滾！！！！？而家４厘無左ｌａ，豁免物業轉移印花稅申請才剛剛兩天前交了申請，恐怕也趕唔切１６號轉名前有結果．．．

我以後都唔會信地產！而家由我同銀行同埋律師樓直接聯絡了，之前同個地產通電話，個仆街仲話：“咁你打電話比佢地ｌａ，我唔打ｌａ．．．你直接同佢地講ｌａ”

頂！！！！

而家個大業主仲未去銀行搞攤消，好驚１６號仲未轉得名．．．．律師樓仲未ｂｏｏｋ到時間，我請唔到假！