Never Sky – 永不．忘記

近日非常忙, 因為要幫老豆去舊屋做裝修, 非常累=無放假! 不過呢d體力勞動, 總好過在移民局!!!

今朝做完裝修之後, 趁有空檔就上網睇下股, 估唔到下午一開市又直插…. 5月頭入左少少1398, 收左兩千幾蚊股息, 趁今日仲有少少水位就走人了…. 原來即日玩股好痛苦, 我以後都唔玩…價位唔match要排好耐隊, 悶到要改幾次價…

回收番黎ge資金全數買另一隻, 就係今日除淨ge建行。 可能因為佢前排強勢加上除息在即, 個價谷得好高….

由於過去幾日建行比工行跌幅小, 希望之後可以繼續keep住強勢, 加上供股方案好快公佈, 買多少少當係供多d, 降低個成本! 現時, 建行已佔總資本超過30%。而今日之貨我會當係短線, 見好即收, 見唔好就等供股! 真係進可政, 退可守!

近排d細價股都比人沽得好狠….以後都係少接觸為妙…. 曾經有買1126而獲利ge佢最近都keep得住在0.5水平, 好穩陣, 然而大多數以美元做結算, 原材料以人民幣找數具多, 相信唔多唔少都有d影響! 人民幣近排升得咁勁抽, 睇黎1126都要再摸清個葫蘆買緊咩藥先好!

今日買完貨之後, 就走去DSI搞證, 又比我遇上一位舊同事, 佢以前同我o係馬會做過ga… 原來佢已經o係DSI做左5年, 真係睇唔出@@ (ps:馬會工作日子在澳大一年級)

快d出雙糧la…=3=等到頸都長晒la…

今年的野心, 除了是投考公職外, 就是要敗DSLR, 今年內, 希望可以買一部Canon EOS 550D+Sigma 17-70mm f2.8-4 DC Macro OS HSM, 未年二至三年內, 希望草到錢買EF 16-35mm f/2.8 L II USM, EF 24-70mm f/2.8 L USM及EF 70-200mm f/2 L IS II USM, 由於日元升值不少, 現時買佢d鏡實在不花算….都係等日元下調先再算!

近日, 歐洲豬國受到債務危機困擾, 面臨破產邊緣….各國及國際組織都合力想方設法力挽狂瀾…. 歐洲國家同美國一樣, 一直都係有錢就洗左先….洗晒再借, 債kump債…直至金融海嘯, 各國經濟下插, 呢d債台高築ge國家已經等唔到經濟復甦就自行爆煲了, 真係抵佢地死!!! 呢d洗腳唔抹腳ge生活已經不可維持下去…

美國今年5月6日, 美股突然急跌千點, 之後迅速急彈, 第二日我起身一睇, 真係mug大口得個窿…. 慶幸的是, 好采早前我沽晒1126, 留番d現金….突然感慨:”始終有錢o係身, 有安全感d” 呢次事件, [...]

今日係2010年港股第一個交易日, 梗係要幫襯下買隻股仔la… 今日見到好多二三股, 甚至係毫子股都升得非常之厲害, 似乎d大戶想o係呢度食d油水先, 遲d再返去大型股度…. 有見及此, 我就跟人買左隻玩下…希望新一年可以創新高la!!

今日中午好忙, 去交完水費之後, 再去銀行度打算額外供多4500蚊去樓按…計埋31號自動轉賬哥筆, 供左萬一蚊, 真係好心痛…不過算la…反正自己唔等錢洗, 見有得剩…希望快d出糧la, 好想知道有房屋津貼未?

回首2009, 發生了許多事, 其中最大件事就係買左層樓, 供得好辛苦!! 第二樣就係轉左新工作, 但係總覺得自己入職半年來仍未適應…希望新一年可以有進步!

現在總會緬懷過去澳博ge工作生活, 澳博係我自大學畢業以來第一份工, 亦識到一班勁正ge過氣同事! 人總會向前看, 但這個blog也許是我休息、吐苦水的神聖空間…好讓我在這兒懷念昔日往事! 向前看的事就留在現實中實踐吧!

還記得過去每逢新年都會為自己訂下幾個要實現ge目標…其中之一我仍未實現ge就係買Canon EOS 500D! 不過現在連想也不敢….現在就為自己訂下今年三個重大目標: 第一: 量入為出 第二: 以三個月作為短線投機, 目標就將短線組合的回報推至30%. 目前中短線投資組合成本約佔總投資成本43%, 未來4個period我嚴謹控制好個止蝕, 並且要將43%比例降至20%…暫時投資所用ge資金都係組合內部調配, 暫無可用的新資金注入…. 第三: 戒壞習慣、強健體魄! 身體出左少少毛病…我真係要早d訓la…

祝各位新一年萬事如意!