|
|
其實近況並不太好….
我已經開始搵緊工, 一見到有公司請人, 我都會send cv去, 期望…只要有萬二蚊一個月, 我都好願意辭去而家份工… 雖然而家份工收入穩定, 但係我做得真係超唔開心。 近日公司出左memo, 話提議由現時一年合約, 轉為兩年合約制… 不過對於我呢種去意已決ge人黎講, 呢d完全不能挽留到我個心… 在我遞辭職信之前, 希望有其它公司願意in我…
回顧8月份投資…. 買賣811新華文軒, 賺左700幾蚊… 以及依次買入工商銀行(1398.hk)、瑞安房地產(272.hk)、奧普集團控股(477.hk), 投資金額比例約為6:3:1 升貶值分別為:+1.25%、-0.68%、+2.64%(已扣手續費) 買入原因如下: 工行—之前玩厭左建行, 所以現在玩下工行而已, 現時建行同工行投資金額比例係1:1, 中資銀行股增長仍然強勁, 加上小弟想供股, 所以買多d貨, 準備供股。現有後備資金, 佔投資組合市值3.5%, 足夠供股有餘。食下波幅都好正!
瑞安—好簡單, 利潤率非常高, 除左本人持有SOHO中國(410.hk)外, 瑞安係我組合中兩隻內房股重磅之一。我鍾意佢派息姑寒, 中期派息較去年同期升左5倍且與07及08年中期息相約, 但係派息比率只係中期盈利20%左右, 股價對淨資產仍有折讓, 股息率3.7%, 實屬長線投資好選擇。缺點係短期受中央調控制肘以及內地通脹升溫, 利率己見低, 來年加息空間都好大。屬中度風險。
奧普—股東回報率及利潤率均有所提高, 中期盈利亦超越了07及08年同期數據, 派息極度慷慨兼送紅股, 流動比率高, 股息率為8.3%, 其產品的可替代性高, 屬中度風險。
投資涉及風險, 以上純屬個人立場, 請各位自行分析先決定投資路向。
今朝落盤買新華文軒(811), 以4.14蚊成交左1萬股, 亦係今日唯一最低價….真係估唔到… 之前都買左少少, 今次買入純粹加注。
買佢個理由好簡單, 就是”感覺”, 言而投資最忌就係唔夠理性…不過今次買入我係好理性咁靠感覺去買的。
不過點都要講d理由…. 1. 息率高, 7%以上 (包括特別股息) 2. 現金充裕, 公司已開始擴充業務, 不斷進行股權投資。
有少少缺點就係涉足少許地產業務, 及可能會因為擴充業務令現金下降, 影響派息, 不過仍屬合理情況。 另外, 睇佢年報, 我對武強呢個非執行董事, 不太喜歡。就是對佢有點偏見…其餘整體公司都表現唔錯, 年年收入派息都好穩健, 相信對股東有好回報。
總結, 今日都係冷手執個熱煎堆, 尾市仲要以高位收市, 似乎係因為20號開會審議業績, 對佢有少少憧憬。 不過我會等到中期業績公佈後決定是否繼續持有。
後記: 近日睇住1126升到媽媽聲, 真係揼心口…好後悔0.8放左…不過我唔會高追。
經過呢兩個星期的過渡期, 我終於可以正式將”組長”名交到華哥手上….做野起黎都特別快!!!
前日我放左d建行同太保, 進賬4500蚊….都唔錯! 而家工行同建行對a股溢價超過20%, 太貴了… 近日眼見1126又升左唔少….真係走寶!!!
上個月買入531及及今個月頭買入477, 分別買左萬蚊同五千, 小注宜情…. 現在cash balance非常充裕….等候其它平貨…^3^
首先, 屋企最近發生左d事, 買相機ge事又要暫且擱置一回…..
入正題: 先前沽走左建行真係好好彩, 星期五見到939建行又跌番去我之前ge買入價, 真係好心涼呀!!!! 一於咒死佢跌到阿媽都唔認得!!! 美股及歐股都跌到媽媽聲, 相信星期一唔跌2%都好難! 係時候要撈下貨!
招行已公佈盈喜, 相信建行及工行ge成績亦都會唔錯ge…
上個星期六晚, 自己手多多, 預先set左沽939@6.5, 點知….今日星期一估你唔到真係沽走左….OTL 我以為個差價有成接近0.2, 應該好難沽到, 點知開口中…
算啦, 唯有等低位買過算….計及手續費回報率為2.15% 都唔錯啦, 半個月都未夠就有2.15%, 好過做銀行定期!
回望過去一年, 有三隻股仔都已經超過自己ge目標價, 本應要回攏資金進行下一步投資…. 然而, 自己還未找到合適的投資對象, 選擇繼續持有它們也算是理所當然。
面對通脹升溫, 加息的預期, 投資變相是特別重要。投資潛在回報才是跑贏通脹的主要出路, 如果不投資, 老本只會不斷地貶值。當然必需要提及的是, 投資要面對的風險, 所以控制風險是非常重要的一部份, 若控制不好, 隨時會虧本。
黎緊下次blog的內容, 我會介紹一下風險的來源, 之後就會慢慢同大家講下如果控制風險。
近日非常忙, 因為要幫老豆去舊屋做裝修, 非常累=無放假! 不過呢d體力勞動, 總好過在移民局!!!
今朝做完裝修之後, 趁有空檔就上網睇下股, 估唔到下午一開市又直插…. 5月頭入左少少1398, 收左兩千幾蚊股息, 趁今日仲有少少水位就走人了…. 原來即日玩股好痛苦, 我以後都唔玩…價位唔match要排好耐隊, 悶到要改幾次價…
回收番黎ge資金全數買另一隻, 就係今日除淨ge建行。 可能因為佢前排強勢加上除息在即, 個價谷得好高….
由於過去幾日建行比工行跌幅小, 希望之後可以繼續keep住強勢, 加上供股方案好快公佈, 買多少少當係供多d, 降低個成本! 現時, 建行已佔總資本超過30%。而今日之貨我會當係短線, 見好即收, 見唔好就等供股! 真係進可政, 退可守!
近排d細價股都比人沽得好狠….以後都係少接觸為妙…. 曾經有買1126而獲利ge佢最近都keep得住在0.5水平, 好穩陣, 然而大多數以美元做結算, 原材料以人民幣找數具多, 相信唔多唔少都有d影響! 人民幣近排升得咁勁抽, 睇黎1126都要再摸清個葫蘆買緊咩藥先好!
今日買完貨之後, 就走去DSI搞證, 又比我遇上一位舊同事, 佢以前同我o係馬會做過ga… 原來佢已經o係DSI做左5年, 真係睇唔出@@ (ps:馬會工作日子在澳大一年級)
快d出雙糧la…=3=等到頸都長晒la…
今年的野心, 除了是投考公職外, 就是要敗DSLR, 今年內, 希望可以買一部Canon EOS 550D+Sigma 17-70mm f2.8-4 DC Macro OS HSM, 未年二至三年內, 希望草到錢買EF 16-35mm f/2.8 L II USM, EF 24-70mm f/2.8 L USM及EF 70-200mm f/2 L IS II USM, 由於日元升值不少, 現時買佢d鏡實在不花算….都係等日元下調先再算!
近日, 歐洲豬國受到債務危機困擾, 面臨破產邊緣….各國及國際組織都合力想方設法力挽狂瀾…. 歐洲國家同美國一樣, 一直都係有錢就洗左先….洗晒再借, 債kump債…直至金融海嘯, 各國經濟下插, 呢d債台高築ge國家已經等唔到經濟復甦就自行爆煲了, 真係抵佢地死!!! 呢d洗腳唔抹腳ge生活已經不可維持下去…
美國今年5月6日, 美股突然急跌千點, 之後迅速急彈, 第二日我起身一睇, 真係mug大口得個窿…. 慶幸的是, 好采早前我沽晒1126, 留番d現金….突然感慨:”始終有錢o係身, 有安全感d” 呢次事件, [...]
在這兩個星期, 家人一直要求我沽貨套現, 自己的堅持卻因此而動搖。
今天以0.8價位悉數沽出德林國際, 賺125.8% (已扣手續費等)。
前天該執行董事總經理李泳模透露, 手頭訂單按年增長45%, 以及正洽談新訂單, 期望未來派息比率能維持25%至50%。這個消息絕對是利好, 估值可以提高超過我之前所說的每股1.3元。
面對自己手持逾超過8厘息的德 林國際股份(因平均成本價為每股0.353), 卻要忍痛沽出, 真是傷痛! 雖然無緣將來的升幅, 但我會伺低位吸納。現所得利潤, 除會捐一部份去青海外, 小弟打算動用一部份去買單反相機XD, 其餘會繼續投資!
德林國際今日宣佈了2009年全年業績, 其中毛利率由2008年17.86%升至2009年25.35%, 提升了7.49%, 而每股盈利由2008年虧損0.0627港元轉盈為2009年0.1116港元。
本人初時預計2009年8300萬港元, 而公佈的是7800萬多港元, 雖然較小弟預期有少少距離, 不過如計及非現金收益(即匯兌差額及可供出售證券公允價值變動), 綜合純利是9700萬多港元, 也算是有個交代。而最值得注意的是該公司2009年末期現金及存款結餘為3億2460萬港元, 較2008年期末1億2240萬港元, 提升165%, 顯示該公司有充足現金提升產能及應付將來業務發展。而負債方面, 流動負債下降5%(其中銀行貸款大減62%, 應付賬款則上升37%),
該公司自2005年度開始, 已經停止派息4年了, 今次終於重新派息, 每股派息0.03港元, 以現價HK$0.75(2010年4月23日)計, 息率有4%, 比一眾金融股派息更慷慨, 派息比率為27%。
值得注意的是, 2010年因擴大越南產能, 競爭對手減少, 成本控制良好下, 預期2010年業績亦有較好表現, 加上現金充裕, 相信來年派息比率亦有所提升。該公司在年報亦交代了去年訂單增加, 預期今年將陸續接收更多訂單, 加上特許業務方面, 公司把握夏季新動畫放映的商機, 擴充產品組合等一系列良好消息。
股價方面, 自2010年年頭開始, 德林國際股價己經升近42%, 尤其是近日可能因為趁今日即將公佈業績, 有不少投機者趁火打劫, 抬頭股價, 成交量上升。以往一直是交投淡靜, 靜到有時1日都無成交, 現在卻相反, 好明顯有Insider做緊野!
總結, 基於前景明朗, 預期盈利及派息比率來年將進一步提升, 小弟預計2010年中期業績, 會回復至2004年以前派發中期息, 唯可能不會是每股0.03港元那麼多, 但以全年計, 肯定會超越4%股息率。現價是很合理的, 唯短期不要期望會暴升更多, 但以2010年預計股價可以回升至2005年前水平, [...]
|
個人資料
Name: yes_ming
Sex: Male
Birthday: 1984-11-9
|
My Avatar |
|
Recent Comments